ट्वीटरले गर्‍यो परिवर्तनको घोषणा

जेठ १२ – ट्वीटरले धेरै प्रयोगकर्तालाई आफू तर्फ आकर्षित गर्न केही परिवर्तन गर्ने घोषणा गरेको छ । अब ट्वीटको एक सय ४० अक्षर सीमामा तस्बिर, भिडियो वा अरु कुनै अनलाइन सामग्रीको लिंक गनिने छैन । ट्वीटरका सह संस्थापक तथा प्रमुख कार्यकारी अधिकृत ज्याक डार्सीले प्रयोगकताले सहजिलोसँग ट्वीट गर्न पाउन् र अरुले पनि ट्वीट बुझुन् भन्ने उद्देश्यले परिवर्तन गरेको जनाएका छन् । गएको दुई वर्षदेखि ट्वीटरले नयाँ प्रयोगकर्तालाई आफूतर्फ आकर्षित गर्न संघर्ष गरिरहेको छ । परिवर्तन अनुसार अब कुनै ट्वीटको जवाफ दिनका लागि एक सय ४० अक्षर सीमा गनिने छैन । सेटिङमा परिवर्तन गरेर पुरानो ट्वीटमा कमेन्ट गरेर वा केही नयाँ जोडेर रीट्वीट गर्न सक्ने छन् । यस्तै अर्को परिवर्तन अनुसार कुनै ट्वीटलाई कसैलाई ट्याग गरियो भने ट्याग गरेको व्यक्तिका फलोअर्सले पनि त्यो ट्वीट हेर्न पाउने छन् । समाचार एजेन्सी ब्लुमबर्गले एक हप्ता अघि ने यो परिवर्तन मध्ये केही बारे जानकारी दिएको थियो । – एजेन्सीको सहयोगमा