अष्ट्रेलियाका धनी ब्यक्ति

सिड्नी । हरेक वर्ष अस्ट्रेलियाका धनीहरुको सूची सार्वजनिक गर्ने म्यागेजिन बीआरडब्ल्युले अस्ट्रेलियाका यस वर्षका सर्वाधिक धनाढ्यहरुको सूची सार्वजनिक गरेको छ । शुक्रबार विहान सार्वजनिक गरिएको सूचीमा र चीनमा जन्मेका रसियन मुलका ह्यारी ट्रिगुवफ सबैभन्दा धनी ब्यक्तिमा दरिएका छन् । नेपाली मूलका शेष घले धनीहरुको सूचीमा १०५ औं स्थानमा रहेका छ । म्याग्जीनको सूचीमा रहेका यी हुन् अस्ट्रेलियाका सर्वाधिक ५ धनीहरुः १. ह्यारी ट्रिगुवफ जीना राइनहर्टलाई सूचीको नम्बर १ बाट हटाउँदै ह्यारी ट्रिगुवफ अस्ट्रेलियाको धनाढ्य सूचीको पहिलो नम्बरमा परेका छन् । सन् १९३३ मा चीनमा जन्मिएका ट्रिगुवफ १९४७ मा विद्यार्थीका रुपमा अष्ट्रेलिया प्रवेश गरेका थिए । सन् १९६० मा अष्ट्रेलियाको नागरिकता लिएका उनको सम्पत्ति १०.६२ बिलियन अस्ट्रेलियन डलर रहेको छ । गत वर्ष तेस्रो नम्बरमा रहेका उनको सम्पत्ति १०.२३ विलियन रहेको थियो । सिड्नीको पोपर्टी मार्केटको मुल्य बढ्ने क्रम जारी रहेकाले पछिल्लो समयमा धनाढ्यको सूचीमा दबदबा कायमै छ । २.एन्थोनी प्राट एण्ड फेमेली निर्माण कम्पनीका मालिक रहेका प्राटको सम्पत्ति गत वर्ष भन्दा शुन्य दशमलव ४१ बिलियन अष्ट्रेलियन डलरले घटेपनि धनाढ्य सूचीमा उनको स्थानले भने यसको कुनै मुल्य चुकाउनु परेन । गत वर्ष दोस्रो स्थानमा रहेका प्राट यो वर्ष पनि सोही स्थानलाई निरन्तरता दिन सफल भएका छन् । अष्ट्रेलियामा कार्डवोर्ड बक्स र पुर्न प्रयोग गर्ने भिसी कम्पनी र अमेरिकामा पाट कम्पनीको नाफा बढ्दो छ भने यसै वर्ष सिकागो नजिक उनले सुरु गर्न लागेको कम्पनीका कारण थप एक बिलियन सम्पति थपिनेछ । ३. फ्रयांक लोई अष्ट्रेलियन इजरेली ब्यापारीलाई ग्लोबल सपिङ सेन्टर कम्पनी वेष्टफिल्ड कर्पोरेशनका अध्यक्ष हुन् । सन् १९३० मा जन्मिएका लोई अष्ट्रेलियन फुटबल संघका अध्यक्ष समेत भइसकेका छन् । गत वर्ष चौथो स्थानमा रहेका लोई यस वर्ष ८ दशमलब २६ बिलियन अष्ट्रेलियन डलरका साथ तेस्रो स्थानमा पुगेका छन् । यो वर्ष लोईको कुल सम्पत्ति शुन्य दशमलब ४२ बिलियनले बढेको जनाइएको छ । ४.जीना राइनहर्ट गत वर्ष पहिलो स्थानमा रहेकी अष्ट्रेलिया पर्थकी राइनहर्ट यस वर्ष सूचीको चौंथो स्थान मा पुगेकी छिन् । यससँगै अष्ट्रेलियाकी सबैभन्दा धनाढ्यको पहिचान उनीबाट खोसिएको छ । फलामको कच्चा पदार्थको मुल्यमा आएको कमी र आफ्नी छोरीलाई सम्पत्ति हस्तान्तरण गरेका कारण उनी चौंथो स्थानमा खस्केकी हुन् । उनकी छोरी बियन्स पनि अष्टे«लियाको २०० धनाढ्यको सूचीमा प्रवेश गरेकी छिन् । ५.जोन ग्याण्डल गत वर्ष आठौं स्थानमा रहेका ग्याण्डल यस वर्ष ३ स्थानमाथि उक्लंदै पाँचौं स्थानमा आफ्नो स्थान सुरक्षित बनाउन सफल भएका छन् । घर जग्गा कारोबारी ग्याण्डलको मेलबर्नमा चाडस्टोन सपिङ सेन्टरले राम्रो ब्यापार गरेसँगै उनको सम्पत्ति पनि बढेको हो । गतवर्ष ४ दशमलब ४० रहेको उनको सम्पत्ति यो वर्ष बढेर ५ दशमलब ४० पुगेको छ ।